漾溢生命

【妻子受浸日 我拆偶像時】    Booklet Text file 吳牧師、師母、弟兄姐妹平安，我是林達泉，今天我要跟大家 分享我的得救見證。 由於我自小並不認識主耶穌，對基督教會都很陌生，婚後亦忙於工作，故此對基督教缺乏認識。但當我在醫院工作時認識一些同事，她們時常邀請我返教會，但我也 沒有行動，直至太太信主後，她時常邀請我返教會，我便開始 認識主耶穌。 直至在2021年12月26日，一個很特別的日子，感謝吳牧師、 師母和伍執事來我家探訪，很感恩我能在太太受浸當天決志 相信主耶穌，並立定決心在當天拆除家中所有的偶像; 信主後，我便開始返教會崇拜和摩西團契，認識主耶穌， 我知道耶穌是我的救主。 我很感謝吳牧師安排我在今年八月接受浸禮見證上帝，我願 立志一生跟隨主耶穌。我希望我的所做、所為都能按上帝的 旨意行，活出生命意義，經歷主所賜的平安喜樂。                
                                      ­    …

【破碎變完整】 弟兄姊妹平安，我叫 何偉明，返咗西九浸信會 三個月，有一個哥哥同埋 細妹，我天生唔聰明，爸 爸唔錫我甚至好似好憎 我，經常話我蠢，同我講 嘢時候總係再加上(冇鬼 用) 。 9歲這年家變，我時常睇到爸爸媽媽時常鬧離婚情景，家嘈屋 閉，同哭嘅場面，爸爸時常講粗口好惡，有一次為一些小事 非常憤怒到將隻活生生嘅雞撕開咗2邊，好殘酷，媽媽立刻 不考慮簽紙離婚，也同我哋三兄妹脫離關係，之後爸爸 也走了，只剩返婆婆照顧我地，係咁嘅環境，只能靠政府綜援 維生，因我唔聰明讀書成績唔好，讀唔到中學。 12歲是我人生最冇盼望，我在五金廠做學徒，很孤單， 冇親人，冇錢，收工後要住喺工廠，工廠環境好污糟，好靜 好恐怖，好像世界只剩番我一個人，天天同老鼠和曱甴一齊 居住，我時常思想，好擔心自己既前途怎樣呢，我知老闆唔會 教我野，點算呢，天天想天天想，我也想 和正常人一樣結婚、 生兒女、過着天倫之樂的生活。不過，我完全冇技能，乜都 唔識，學歷又低，係依個時候覺得自己好慘嘅，我要寄人 籬下，冇啦!我冇希望!睇唔到前景! 15歲那年，因我成績唔好，所以考入建造業訓練中心學習地盤 木工，一年之後出嚟做嘢，擔起頭家，政府綜援也停止了， 所以這份工對我來講很重要，我在地盤工作，初出茅廬，生得 又矮，想唔到出嚟做嘢會俾人欺負、俾人打，依D事，都唔敢 話比屋企人知，怕佢哋擔心。做地盤之後收入好咗D，每日 收工經過別墅有人彈鋼琴彈得好好聽，我終於忍唔住自己搵 老師學琴。 做地盤果段時間，哥哥同妹妹食飯嘅時候常常向妹妹傳福音， 哥哥總唔向我傳福音，可能我做地盤又粗魯常常牛精，常常 唔講道理，一睇就知我冇可能信耶穌，妹妹不停反駁哥哥的 福音嘅道理，無論點講，妹妹心裏總是剛硬唔信，奇怪的是， 我聽得越多，越覺得哥哥所講的耶稣福音才有道理，我心裏有 信耶稣嘅意念。 1980年12月21日19歲，哥哥帶我去一個福音話劇佈道會，主題 是六個死了的人，睇到六個人有唔同嘅結局，在訊息中講到 主耶穌釘十字架為我的罪而流出寶血，為我而受苦，當晩認 自己的罪，真心悔改，接受耶穌基督為我個人的救主，聖靈 進入我心中，依個時候，係我一生人最開心，最感恩的一日。 妹妹因我的改變跟從主，妹妹很快也信了耶穌，而且信得 非常好。 我做地盤做了四年，因為地盤冇工開，我冇錢學琴，唯有去 電子廠做住先，原來苦難窮困，原來是神的祝福，入到工廠 做之後係有工廠福音團契，我立刻加入一齊事奉，一個月後, 地盤打电嚟話有工開啦，(立刻反應怎樣選擇呢)，地盤容易 賺好多錢，養家完全不成問題，而工廠人工較低，勉強維持 生活，但工廠團契天天為神作工，更加有意義，我一想到 這裏，我決定唔去地盤做，專心在工廠傳福音，想唔到我這個 决定，會帶來之後更大祝福。 在團裡，我認識一位姊妹，就是現在大家認識嘅何太。 當時何太邀請我返她的教會九龍城浸信會一個團契，這個團契 沒有人識音樂缺乏彈琴手，返第一天我就幫手做司琴及 結他手，團契裡我們彼此造就彼此靈裏得着成長，我們一起 查考聖經，一起過著彼此相愛嘅教會生活。 因為香港工廠轉做大陸生產，我當時工作也受影響，牧者鼓勵 我讀香港音樂專科學校(簡稱音專)，牧者希望我做一個音樂 傳道人，我唔敢去讀因為我連小學程度都冇，但牧者積極鼓勵 我讀，弟兄姊妹也鼓勵我，夾份奉獻比俾埋生活費，俾埋 學費，幫我寫埋推薦信，依個時候哥哥妹妹得知我想讀音專， 也用奉獻鼓勵極力支持我，當時有咁多弟兄姊妹支持，想拒絕 都無法拒絕，我深深受到感動，領受神嘅恩典，我得到天父的 愛，牧者的愛，咁多弟兄姊妹的愛，哥哥妹妹的愛，有主嘅 帶領，結果考到音專，引證神要我行音樂這條路。 我向公司辭職，將我要讀音專事告訴他們，結果一傳十， 十傳百，他們極大反應，人人議論我大聲嘲笑我，你讀到咩， 你點會成功，我睇死你唔得，如果你咁都得，我哋就點… 大家向我打賭，我默然不語。 23歳開始全職讀音專，因為我的左手天生總係不靈活比 右手慢，學習有很大阻礙，所以我學習特別艱苦，而且一段 長時間，後來神再幫我，神出手顯佢嘅大能，有一天我練琴 時候，突然我嘅腦有一個響聲，我嘅右手立刻和左手一樣 靈活，無法解釋嘅神蹟。 25歲就已經開始教學生鋼琴，教咗兩年即是1995年學生開始在 鋼琴比賽中，他們屢次獲獎，越囉越多，獲得無數獎，一般人 會感到非常自豪，但是我心中早就肯定是神在我身上作嘅工， 我身上所有嘅都是神比，所以我冇什麼可跨，所得嘅榮耀只能…